喬寶寶昨日乘飛機返港，臨出發前接受接受港台節目《安哥同學會》的訪問。他表示今次離開香港心情難免不捨︰「(電視台)準則變咗好多，走係因為我真係冇嘢做，拍咗四年門，每年只得一個劇集。」他坦言不只是自己，以往不少劇集都會起用非華裔演員，但近年少得很，更言反映此情況四年都沒有改善，感到心灰意冷，故長痛不如短痛，提早結束合約。
喬寶寶參加《殘酷一叮》前，曾在懲教署工作近16年，他在節目表示人生首份工作是在連鎖快餐店清潔洗手
間。他說︰「當時時薪五蚊，我係為咗汽水、薯條同個包，所以想做呢份工。」喬寶寶憶述上班第二天,經理著他不要在休息室進餐，因為同事指他身上『有味好臭』，經理叫我去工作崗位(洗手間)食，仲送多個包俾我。我第一個反應係『哇！好著數喎』，因為只係得我一個人可以多一個包，而其他人冇。」喬寶寶性格樂觀，將負面的事看成正面，坦言清潔的工作總需要人做，不會感到難受。
因為個人經歷，令他更能體會前線清潔工的困難，故疫情以來他頻頻出動派發抗疫物資，號召朋友一同當義工，在油麻地、南丫島為長者及清潔工人送上口罩等物資。「我經歷過沙士，當時老婆陀住細仔，我仲做緊懲教，一星期只敢返屋企一次，因為唔想屋企人有事。我相信今次疫情都一樣會過，問題係呢幾個月點度過。香港係一個大家庭，冇人想自己屋企有事。」喬寶寶坦言宗教信仰讓他時刻提醒自己要「保護弱者、招呼窮人、回饋社會」故平日不時擔當義工的他，今次便有錢出錢有力出力，更希望傳媒的報道能啟發更多人身體力行，關心社會上有需要的人。