有網民貼出，顯示彌敦道一個垃圾袋的「下身」不見蹤影。(FB群組「青衣街坊吹水會」)
彌敦道近日出現奇景，話說呢條全港最旺的街道，去年開始已不多見傳統垃圾桶，政府改以垃圾掛袋取代，條街係咪因此較以前乾淨就見仁見智。有網友近日在Facebook群組「青衣街坊吹水會」張貼一張相，顯示彌敦道一個垃圾掛袋只有「上身」，而「下身」則不翼而飛，但地上仍有一袋裝飯盒的垃圾，究竟個「下身」去咗邊？
識睇梗係要睇留言啦，有網民好啜核話：「劉江華得返個頭」；有人就話「堅離地垃圾桶」；一位網民就形容「透明人間」；有人更貼出一張藍球架相，唔通個垃圾袋「下身」用咗嚟循環再造？