Ad Block Ad Block
娛樂
2022-08-08 16:12:23

戀愛Staycation | 第一季被網民批4大敗筆:剪到趕收工咁

分享:

《戀愛Staycation》截圖

ViuTV真人騷《戀愛Staycation》喺毫無預警下於上周四(4日)播出最後一集,周五起(5日)播出第二季,同樣由4男4女於大屋朝夕相對,睇吓可唔可以擦出愛火花。節目第一季開始時,由於題材新鮮,吸引許多觀眾追捧,不過越播越令網民不滿。結局一集,男參賽者向女參賽者表白,Kylie無被表白,Stan與嘉宏分別向Vicky表白,Vicky喺二選一情況下最後接受咗嘉宏,而傑仔與雀仔都配對成功;Henry亦向Yan Yan表白,女方都有出現到,但係Henry對其公開自己係節目組安排嘅「玩家」,所以唔能夠將手錶送畀Yan Yan,對於《戀愛Staycation》內容,網民齊齊怒批以下4敗筆!

敗筆1. Kylie爆喊疑有劇本?

Kylie早已試過一次喺鏡頭前爆喊,而最後一集Kylie明明與Herry同Yan Yan夾好要喺遊戲中向傑仔表白,但Herry中途發脾氣,Kylie就覺得自己破壞Party氣氛而再次爆喊,令網民質疑當中有劇本。

敗筆2. 批評「玩家」情節多餘

節目中段已經向參賽者講明喺佢哋入面安排咗「玩家」;而最後一集中,Henry就表示自己係「玩家」,負責喺過程中搞破壞,又指付出嘅感情都係真心。網民感到「玩家」情節好多餘,認為唔洗安排呢個角色。

敗筆3. Stan部分內容被剪走

雖然Stan食白果收場,但隨住佢喺節目中做出調停紛爭等貼心行為、Stan得知自己無被女參賽者邀請約會而坐地板一幕、節目組最後一集又為Stan獨自一人嘅畫面配上《小諧星》炮製慘情MV等,都令網民對其增加好感,成為「人氣王」。不過,網民就不滿Stan於節目中嘅戲份多數被帶過或剪走,而Stan亦喺IG直播時表示與雀仔嘅互動無播出。

敗筆4. 剪輯凌亂

網民紛紛認為《戀愛Staycation》第一季剪輯零亂,有啲似趕收工感覺,仲話個節目係靠主持同參賽者救返:「有個位諗唔明,作為一個媒henry玩game個下點解要中途離開?咁做有咩目的?為左搞到成件事十級尷尬?」、「明明好好題材,可以剪到趕收工咁,你話viu好多好節目排住隊就話姐,成個s1(第一季)剪多5集都可以,剪到九唔搭八。」、「內容又唔關間屋事,成班出去dating。」、「成個安排同搵媒搞事既安排,好多位都做得好唔掂,Viu好鍾意做啲多餘野去增加戲劇性。」、「第一季好似都cut咗好多野,唔明點解唔直接剪15集第一季」等等。

Ad Block

《戀愛Staycation》截圖

《戀愛Staycation》截圖

《戀愛Staycation》截圖

《戀愛Staycation》截圖

《戀愛Staycation》截圖
《戀愛Staycation》截圖

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受