Ad Block Ad Block
娛樂
2023-03-18 13:14:12

欣宜自爆情迷單眼皮鄭中基 邀任個唱嘉賓自肥

分享:
欣宜自爆情迷單眼皮鄭中基 邀任個唱嘉賓自肥

鄭欣宜行第二場「Believe Us 鄭欣宜演唱會 2023」,氣氛熱烈。

昨晚鄭欣宜(Joyce)在紅館舉行第二場「Believe Us 鄭欣宜演唱會 2023」,座無虛席。寰亞集團老闆林建岳、毛舜筠、彭秀慧、容祖兒、許廷鏗、梁釗峰、黃淑蔓、COLLAR成員Winka和芯駖等捧場,Joyce台上勁歌熱舞時,全場觀眾都站起來手舞足蹈,氣氛熱烈。

前晚演唱會頭場特別嘉賓是鄭裕玲(Do姐),昨晚邀請了同樣是「鄭氏宗親」的鄭中基(Ronald)擔任表演嘉賓,他一出場觀眾即大叫其招牌口號「Wee」,Joyce在台上向他表白,還自薦參加其真人騷項目,要求他培訓,非常搞笑。Joyce介紹Ronald出場時,坦言對他的單眼皮情有獨鍾,小時候在加拿大生活時狂煲其電影VCD,長大後欣賞他敢言和做自己很喜歡的事情,然後Joyce對Ronald說:「多謝你嚟做我嘉賓,我好鍾意你㗎,我真係由細到大都對你心心眼!」她表示早前執屋,無意間發現初戀男友舊照,原來他與Ronald都是單眼皮。但Ronald說:「我覺得好對你唔住,依家我老咗變咗雙眼皮,因為啲皮鬆咗。所以你要諗清楚,如果鍾意單眼皮男仔,可能佢老咗變雙眼皮。」

Ad Block
昨晚邀請了鄭中基擔任表演嘉賓 昨晚邀請了鄭中基擔任表演嘉賓 昨晚邀請了鄭中基擔任表演嘉賓

中文屬「有限公司」的Joyce,誤會Ronald的新計劃「機動兵工廠」是「機動兵工『床』」,要用英語解說。然後她表示好想參與其中:「我都好想你同我『培訓』,一起『培訓』⋯⋯」全場大笑,Ronald聽到皺眉,笑說:「你知唔知『培訓』點解?(知,Training)係啦,不如講『Training』啦,因為你講嗰個詞比較尷尬。」Joyce繼續自薦:「我知道呢個Training有acting同埋singing,呢兩樣嘢我都有做㗎!」Ronald支吾以對:「但我哋有年齡限制,由21歲到 35歲⋯⋯」Joyce立即興奮地說:「咁就掂啦,我5月30日之前都仲係 35歲。(但我唔掂喎,訓練咗你兩個月之後就 36歲)中女都有中女特別味道,你改咗個年齡框。(即係改為21到36歲)嗱,大家聽住㗎,改咗啦!」Ronald搖頭笑說:「我真係估唔到我第一次搞真人騷就要造馬,即係要我選你⋯⋯喂,講完『培訓』然後『我選你』⋯⋯我『挑』選你⋯⋯哎呀,我哋都係返入後台再講。」引發全場爆笑,Joyce亦笑到彎腰。之後她點唱Ronald的《我代你哭》,並說:「呢首歌係許廷鏗介紹我聽,但佢就唱得⋯⋯我想聽原唱!」許廷鏗在觀眾席扮嬲,深深不忿指住台上的Joyce,場面搞笑。

Ad Block

Ronald獨唱後離場,Joyce穿上閃亮運動裝再度登場,她與二十位舞蹈員一口氣表演《罰你》、《你瘦夠了嗎?》和《豐乳肥臀》,連續近十分鐘勁歌熱舞,越跳越勁,全場觀眾熱情跳舞拍掌。Encore環節,Joyce穿上金色長裙,演繹《先哭為敬》、《配角》、《無表面傷痕》和《女神》等金曲,配合來自英國的Ground Support 打造的燈光效果,非常震撼。完場後,觀眾不肯離開再度Encore ,Joyce 加碼唱《無權愛我》和《渺小》後,演唱會圓滿結束。

許廷鏗捧場 容祖兒 毛舜筠、彭秀慧 COLLAR成員Winka和芯駖
請接受以下私隱政策及免責聲明,以示你同意am730內之私隱政策及免責聲明。了解更多
接受