31歲嘅陳凱琳（Grace）自2018年與鄭嘉穎結婚並先後誕下三名兒子，生活幸福美滿。雖然Grace減少幕前拍劇工作，不過佢亦不時於社交平台大曬造型照、分享美妝教學及煮食心得等影片，深得網民喜愛。日前，佢喺小紅書分享煮食影片，素顏嘅佢更不時露出小蠻腰，網民除咗指佢身材冇走樣之外，亦心痛佢肚臍凸起兼四周變啡。
日前陳凱琳喺小紅書分享「烤雞肉蘑菇意大利雲吞」嘅煮食影片，Grace喺觀眾面前展露最真嘅一面，佢除咗素顏之外，仲將頭髮紮起，更不時露出小蠻腰。唔少網民睇完影片後，將重點落喺佢嘅身材及肚臍上，除咗身材冇走樣之外，仲心痛佢肚臍凸起兼四周變啡，明顯係生產過多胎嘅痕跡。另外，亦有網民亦佢太瘦，希望佢可以食多啲嘢。
原文刊登於 Yahoo 娛樂圈
