陶大宇因為《倒轉地球》令他爆紅。
陶大宇憑住「吶喊式唱腔」連同「水撥式舞技」將經典舞曲《倒轉地球》注入新生命，而他一直致力尋求突破，日前他為支付平台拍攝廣告，並獻唱廣告《倒轉消費券 「賞」點用都得》，並同時於WeChat Pay HK各大社交平台發佈MV。大宇 會再次展現經典水撥式舞功之外，更會突破吶喊式唱腔，演繹百老匯式曲風，第二度以歌舞及歡笑聲震撼樂壇。
陶大宇有新歌推出。
新歌加入洗腦魔性旋律
今次大宇希望可以為一眾支持他的朋友作出突破，他說：「大家都記得我喺《倒轉地球》嘅吶喊式唱法，今次我喺宣傳歌度保留返，因為帶到好多歡樂畀大家。不過我同創作團隊講，今次要有突破，所以加咗啲魔性旋律同埋洗腦歌詞落去，令到首歌容易啲記得同埋上口，希望個個聽完一次都識得唱，大家開開心心，記得歌詞。」
除了唱腔，水撥式舞步亦是大宇獻唱時的焦點所在，在廣告入面，觀眾可欣賞到他再度使出這招獨門舞功。大宇：「依家個個見到我都叫我示範水撥，個動作幅度其實幾大，真係撥到byebye肉都firm晒，腰都瘦埋，就嚟有腹肌。不過大家鍾意就好，我都好開心。」
陶大宇表示水撥式舞姿可以揮走bye bye肉。