Ad Block Ad Block
娛樂
2022-08-06 11:20:00

MIRROR演唱會意外|轟花姐不負責任 梁思浩:錢就識袋!

分享:
MIRROR演唱會意外|轟花姐不負責任 梁思浩:錢就識袋!

梁思浩炮轟經理人花姐不負責任。

MIRROR的紅館演唱會於上月28發生嚴重事故,舞台上的巨型屏幕突然墮下,導致兩位舞蹈員受傷,當中受重傷的李啟言(阿Mo)情況令人擔心。事件至今已經發生一個多星期,梁思浩日前於主持的網台節目《大家「真」瘋騷》時,談到該事件,並開火炮轟花姐︰「有一個人我覺得成件事係難辭其咎㗎,嗰個就係阿花!」梁思浩提到在事件發生後,有幾位名人包括王貽興、「阿姐」汪明荃和郭富城先後發聲,猶如英雄,他說︰「有好多人都會避而不談,尤其圈中人,有時覺得好多圈中人為咗搵食,點解唔談論呢?費事得失人。」

梁思浩又指事件發生這麼久,沒沒有一個人願意去承擔,他說︰「我夠膽講一樣嘢,我都係俾人哋轟㗎喇,我一噏個名就畀人哋轟㗎喇,但係我唔怕嘅,我從來覺得係有嗰句講嗰句,你係一個監製,甚至你係一個經理人,如果你rehearsal睇到有危險,你需唔需要保護你啲藝人先?」其後更將矛頭直指經理人花姐︰「所以我話畀你聽有一個人,我覺得成件事係難辭其咎㗎,嗰個就係阿花啦!阿花,老老實實啦阿花,如果你係呢12個細路仔嘅經理人,你有睇rehearsal㗎嘛!你有去睇㗎!如果你話俾我聽你冇睇,仲衰!」梁思浩續說︰「呢12個細路仔呢幾年咁辛苦工作,佢哋有幾多錢袋落袋?你如果作為一個人嘅經理人,你袋緊佢錢㗎!我真心講呢12個細路仔,你袋緊佢錢㗎!你袋錢嗰時就識袋,到佢哋有事嗰時,你係完全消失天與地。當時你係一個經理人,又或者係監製,你覺得有危險,係咪要出聲先?因為所有幕後嘅人已經開始講,其實rehearsal已經有危險。rehearsal有危險,你唔係新人嚟㗎嘛,你做得監製,你錢就袋落袋,責任唔使你孭呀?呢個世界冇咁唔使找錢嘅午餐㗎!」

Ad Block

 

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受