Ad Block Ad Block
娛樂
2022-11-24 21:27:52

鄭伊健開騷照出席活動 恨到郊野公園燒雞翼

分享:
鄭伊健百忙之中抽空與陳寶珠出席活動。

鄭伊健百忙之中抽空與陳寶珠出席活動。

鄭伊健的紅館演唱會舉行得如火如荼,他打破歌手開騷閉關的習慣,於今日下午到商場出席活動。他表示主辦機構已三年沒搞公開活動,加上是慈善性質又近紅館,所以無論如何都要出一分力。谷德昭在活動上指伊健不時出錢做慈善,他表示做開便繼續做。

鄭伊健很開心個唱反應不俗。

鄭伊健很開心個唱反應不俗。

Ad Block

Encore唱歌冧太太純自肥

伊健今次演唱會尚餘4場演出,他表示有些少疲累,但很開心大家反應很好,所以會儲定能源完成最後幾場演出。提到太太蒙嘉慧從日本返港支持,他說︰「應該啦!呢幾年有佢喺我身邊,因為我唔識安排其他嘢,由佢幫我,又陪爸爸睇騷都係靠佢。」對於他在個唱encore環節唱歌冧太太,他先扮作失憶,之後笑言:「太太冇威迫,只係出於自肥,想做自己喜歡的事。」他自言不是浪漫的人,平時只是打機多,但認為大家相處這麼多年,都是開心過活。

伊健表示完騷後相約好友們到郊外燒烤。

伊健表示完騷後相約好友們到郊外燒烤。

最想郊外燒雞翼

問到完成演唱會後想做的事,伊健笑言會打機、飲啤酒,但最想是相約好友到郊外燒雞翼。他說︰「我真係好想燒嘢食,我哋呢幾年係冇得燒嘢食!(你喺後花園燒呢?)唔同㗎!香港人係要拎支燒烤叉,搵報紙插沙,雞翼係要拮住燒先好食!大家掉落個網度邊好食!最重要係個燒烤爐係唔使錢!郊外先好玩㗎!」

請接受以下私隱政策及免責聲明,以示你同意am730內之私隱政策及免責聲明。了解更多
接受