Ad Block Ad Block
娛樂
2021-12-06 21:33:00

林奕匡跑勻港九新界30間CD舖 送植物為店舖打氣

分享:
林奕匡為CD舖送上植物打氣。

林奕匡為CD舖送上植物打氣。

林奕匡(Phil)早前推出全新EP《PHILOSOPHY》,Phil在剛過去的週末週日,Phil 先後走勻全港近30間唱片店,並送出易養長青的多肉植物小盆栽,表達謝意之餘,更寓意與各唱片店共同努力,在艱難的環境下繼續努力支持音樂事業。

林奕匡坦言現時生存空間不容易。

林奕匡坦言現時生存空間不容易。

Phil在過去 2日內走勻30間唱片舖,除了親自落舖送上鼓勵外,還贈送一盆多肉植物給各唱片舖,寓意與店舖同樣長青,大家都有得做下去。提到今次活動有別過去舉行簽名會或做店長,Phil 有感現時無論是做音樂,或銷售音樂產品,生存空間都不容易。Phil 說:「雖然話做音樂難,做實體碟更難,但係香港原來仲有超過 30間大大小小CD舖,其實我係覺得Surprise嘅!好開心仲有人好支持佢哋,仲覺得需要實體碟,同埋仲有商舖覺得需要去賣實體碟。」

今次的活動只在網上公佈大約到達的時間和地點,但都吸引不少粉絲一早到店守候,希望可以「野生捕獲」Phil!此舉讓 Phil 十分感動,他說:「平日做簽唱會,可能好耐先搞一次,有啲朋友可能做緊嘢,或者地點比較遠而嚟唔到,所以今次就由我去大家就近嘅CD舖,可以同大家見下面。」別以為只有 Phil 四圍跑,有粉絲也跟着「陪跑」,Phil 透露:「有啲人會盡量去多幾間,好似同我一齊跑緊馬拉松咁。佢哋好熱情,多謝佢哋,同樣令到我都有點感動!」

請接受以下私隱政策及免責聲明,以示你同意am730內之私隱政策及免責聲明。了解更多
接受