楊梓菁早前到布吉受訓準備拍電影。
今年8月約滿無綫的楊梓菁(Wiyona前名楊柳青)，近日與契姐陳樂榣(Ally)及謝雪心(心姐)和歌手蘇珊等，為拳擊大賽擔任頒獎嘉賓，原來她們都是拳擊運動的愛好者，楊梓菁更非常欣賞兩位女拳手，而心姐更是超級拳賽fans，睇得肉緊更走到台前影相。
楊梓菁、陳樂榣為搏擊大賽冠軍頒獎。
Wiyona稱有意轉型做打女，早前更趁電影開拍前，到泰國布吉島接受拳擊訓練，所以知道拳手唔易做，她說：「做藝人為拍戲所需，都係緊密訓練一段時間，拳手要為比賽日日操練，比我哋辛苦千倍，尤其女拳手，女仔都會貪靚，但上到擂台就拼盡，見到佢哋口腫臉腫都心痛，好佩服她們的堅持、勇氣及突破。」
心姐透露，自己是拳賽的擁躉，如果拳賽在澳門舉行，她會特別前住欣賞。
Wiyona又特別找來兩位女拳手庾悠珮、羅詩婷合照：「除咗好想鼓勵佢哋，亦對自己係一個提醒，有時如果想偷懶，見到佢哋嘅努力，就要keep住訓練保持狀態。」她又笑言希望有機會同契姐陳樂榣打一場拳賽，可惜對方尚未同意應戰，「佢係事業型女性，一向比較溫柔，我想操弗佢，可以一齊姊妹檔。」
陳樂榣亦有前來欣賞拳賽。
謝雪芯睇得非常肉緊。
