Ad Block Ad Block
娛樂
2022-12-05 16:38:04

任監製拍老千戲 張建聲:親身經歷

分享:
HK ENT

張建聲任監製,拉隊到大馬拍老千戲。

張建聲、楊梓菁、林雪、岑珈其、栢天男、袁富華、藍杰、MJ鄺家瑜等,於吉隆坡為電影《千謊百計》舉行開鏡拜神儀式,電影由張建聲監製,沈錫然執導,電影改篇真人真事,是張建聲和沈錫然的親身經歷。

HK ENT

林雪、楊梓菁及岑珈琪在《千謊百計》中大鬥演技。

 

重本拉隊飛大馬拍攝

選擇到馬來西亞拍攝,是因為早前香港疫情嚴峻,大家不能去旅行,所以電影公司一直在等候時機,現在終於成行,張建聲說:「今次好多謝老闆喺《大俠ACTION!》之後,再一次投資電影,上次拍《大俠ACTION!》嘅時候,老闆已經應承會拍多一部電影,所以就有《千謊百計》嘅出現。」團隊希望這次只是一個開始,未來還可以去不同的國家取景拍攝港產片。

HK ENT

柏天男與楊梓菁,在船上拍攝一場互騙老千戲。

《大俠ACTION!》陣容再合作

對於演員陣容,張建聲也表示相當滿意:「今次用咗《大俠ACTION!》嘅一半陣容,阿菁(楊梓菁)識咗好多年,合作起上嚟相當有默契。仲有好多謝雪哥(林雪)專程喺青島飛過嚟拍,拍完又要先去香港隔離再飛返青島。仲有岑珈其,佢嘅檔期緊密,都夾到時間嚟拍。Ben哥袁富華為角色注入咗好多有趣嘅事,為《千謊百計》加上不少趣味。仲有栢天男、藍杰、MJ,仲有大馬演員林家冰、林奕廷等等……」

沈錫然期望為觀眾帶來一套娛樂性豐富的電影,他又表示:「今次《千謊百計》集合了好多好好嘅實力派演員,由於今次喺吉隆坡取景拍攝,很多拍攝上嘅問題都需要當地嘅團隊幫忙解決,可以同唔同地方嘅團隊合作係好開心嘅。」

HK ENT

袁富華、張建聲及楊梓菁拍攝期間突然落大雨,不過依然投入拍攝未受影響。

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受