政府推新一輪防疫措施，禁止兩戶以上的家庭聚會，不少網民都擔心鄧兆尊未能照顧3位情人。早前他上貴花田、曾志豪及王耀祖的網上節目《田豪祖三寶》訪問，大談新措施對他的影響，突然大爆王祖藍唔妥C君(鄭詩君)，指不滿J2節目愈趨垃圾。
兆尊指新措施對他沒有影響，又稱：「邊個話我一拖三行街唔得？咁搭巴士、地鐵點算？請多兩個姐姐都犯法，佢哋都係唔同家庭。」提到王祖藍與無綫高層曾勵珍、樂易玲交惡︰「珍姐係一個好好嘅人，佢係惡啫。佢好顧及演員，如果啲人要養家，就捉晒佢哋入《愛．回家》，因為《愛．回家》係個長期出糧嘅地方，同普通演員係差三倍價錢。」
去開電視派錢俾觀眾打無綫
兆尊認為他們是為TVB著想，「大家管嘅嘢都唔同，珍姐管演員、樂小姐管人力資源，買部電腦都關佢事；祖藍就係創意官，創意北上搵錢，佢離開咪交由佢哋自己搞，所以多咗個肥仔，即係C君嚟幫手，因為做啲嘢唔得，咁祖藍好似有不滿囉，呢個係幕後啲人同我講。」兆尊繼續爆，「開電視將會成為無綫另一勁敵，我幫佢哋度咗個大型派錢節目，每集派50萬。原本係sell俾TVB，我話我出一成，TVB出九成，為香港市民謀福利，又可以救個台，與民同樂唯一方法。」
