孖古巨基錄《飄流教室》 Edan：第一次唱到抽筋

古巨基日前與MIRROR成員呂爵安（Edan）合唱經典作品《飄流教室》，基仔昨晚（24日）在個人YouTube頻道分享了《飄流教室》的錄音過程。在錄音前，Edan估計要用4天錄音，但最後卻3天完成。

Edan表示選擇《飄》的原因：「旋律好易記、好好聽，好啱我口味。本身我好鍾意情歌，或者Chorus好好記，我就好鍾意，所以就揀咗呢首。」他又坦言：「今次錄音啟發咗我好多嘢，之前揀呢首歌係覺得個key可以handle到，加埋舒老闆（監製舒文）同你（基仔）嘅意見後，原來唱歌唔係咁簡單，仲有好多嘢要兼顧。」

基仔又分享唱歌心得，表示除高音低音，還要懂得尋找吸氣點，他大讚Edan唱歌的優點，就是真假音轉換，對於今次《飄》音域上的高高低低，Edan笑言錄完音收工時突然抽筋：「我第一次唱到抽筋」，基仔解釋：「我成日提佢要將丹田、腹部收得夠緊…然後好似潛水咁hold住啖氣，但小量地、穩定地洩漏出嚟。」Edan坦言今次與基仔合作獲益良多。片尾還放彩蛋，見基仔和Edan齊齊身穿校服兼揹書包上堂，相當搞笑。