馬浚偉今日出席其主演的抗癌電影分享會，「抗癌歌手」李明蔚亦有到場支持。馬仔表示稍後會與自組的MTOM到街頭演唱，問到會否擔心危險，他說︰「我哋會睇情況，揀安全情況，唔會引起混亂。9月其實做過一次，12月會做第二次busking，但地點未定。我唔係太擔心，我始終相信香港人係善良，可以做到互助互愛。我想唱歌俾大家聽下，等大家開心下。」
提到早前有人Busking被警察包圍，馬仔大表驚訝︰「唔會俾人捉嘛？(之前有個人被警察圍喎？)乜會俾人捉㗎咩？」他表示屆時會與結他手和鍵琴手三人落區，在場記者笑言可能會被指非法集結，他苦笑說︰「唔會啦，我哋再了解下啦！」
