衛志豪昨日現身《開心大綜藝》。
衛志豪昨日有份參與《開心大綜藝》其中一個環節，他在IG上載台前幕後準備情況。不過，有網民私訊他指《開心大綜藝》「好娘」、「節目老土」、「阿婆都唔睇」，並把MIRROR成員姜濤及Anson Kong的照片傳給衛志豪，而他則回覆不認識相中人士，並促網民應把說話傳達給ViuTV高層。
衛志豪事後把他與網民的對話截圖上載至社交平台，並寫下長文表達不滿。他表示有份參與直播演出雖然只是幾分鐘，但事前準備了兩日。對於節目尾段有張美妮、張嘉兒跳舞，加上有小朋友的簡短訪問，他不忿台前幕後的努力被抹煞，於是說道︰「我都唔知佢哋排咗幾耐！仲未計台前幕後同埋幾位司儀！仲有就係，原本我冇親眼見到我都唔信，一位冇份演出嘅高層，我兩日綵排都見到佢一早企左喺度，喺現場，睇採排俾意見，最後走嗰隻，佢之前睇咗幾多晚我就唔知啦！」
志偉每次都與參與演出的藝人大合照。
志偉更不時上台指點。
他又認為大家要尊重表演者︰「我唔會評價人哋演唱會好唔好睇，但我知道做一個演唱會真係唔容易，我以前跟過郭富城、劉德華、陳奕迅、譚詠麟、張學友、黎明、等等去做無數次演唱會全程報道採訪！我會尊重所有表演者，因為我知道每一個都付出好多！」他不介意被人批評「演技差、口才唔好或者樣衰」，但絕不接受大家隨便抹煞一個節目，「每樣嘢都有人鍾意有人唔鍾意，你唔鍾意想叫想認同你？個節目我都有份做，你想我俾咩反應你，成個節目嘅人都係我朋友！個個都識十幾年！what the Fxxx！係咪有病，有人俾飛我我都會去睇個演唱會架，娛樂圈大家支持！」
衛志豪不認識MIRROR，但也祝他們演出順利。
他又認為娛樂圈需要百花齊放，「但最憎唯恐天下不亂」，最後他直認自己不認識MIRROR︰「我唔認識呢班後生仔，佢哋都唔會識我，但我都佩服佢哋！祝演出成功﹗如有失言請見諒﹗」
衛志豪不忿大家的演出被抹煞。
他上載網民的對話塹圖至社交平台，大表不滿。