娛樂
2022-08-12 18:15:33

丁子朗受同志歡迎收男性裸照 最想孖古天樂合作BL劇

分享:
丁子朗受同志歡迎收男性裸照 最想孖古天樂合作BL劇

25歲丁子朗受大方受訪,談到初戀至今拍過三次拖。

TVB男神丁子朗(Karl)為網上平台盒子BOX channel《月傾會》擔任嘉賓,接受主持林柏希訪問。丁子朗2016年參選港男入行,在參選港男前,他在加拿大讀書,是一個四眼宅男薯仔,坦言當年自覺並非靚仔:「我以前真係好平凡,戴眼鏡好薯仔,的確佢(TVB)簽我返嚟都話唔好睇,純粹貪我個樣夠親切,似隔離師奶個仔!」入行六年,丁子朗對一次跟阿姐(汪明荃)做一廠司儀,令他感到好挫敗:「一個粵劇頒獎禮,我不斷NG,啲writer話丁子朗再讀過,全場一廠觀眾、阿姐、評判,所有人等我NG,全世界望住我,我已經出晒汗唔知點算,好大挫敗感,我直頭諗緊我係咪啱做司儀,但係阿姐好好,佢話你唔得我幫你講埋佢啦,我真係喊出嚟!」

曾面試爭演《尚氣》

目前最大目標,丁子朗最想做到受觀眾認同的男一,更自爆:「其實唔同範疇都想試下,《尚氣》我之前都cast過㗎!最後睇返Simu Liu(劉思慕)個訪問,佢講返佢cast嗰段戲,段對白係exactly我講過,原來我同佢cast嘅一模一樣!嗰陣時喺美國啦、北京上海香港都有搵人去cast,1000個搵一個去!」

丁子朗原來都有為Marvel電影《尚氣》爭做主角,最後敗給劉思慕。 丁子朗分享入行前的四眼舊照。 丁子朗2016年參選港男入行,當年在加拿大讀書時是個四眼宅男薯仔。

初戀至今拍過三次拖

講到愛情生活,25歲丁子朗表示18歲初戀開始,至今拍過三次拖,自己不算是一個稱職男友,並稱:「我依家25歲啫,三次都算差唔多啦!我覺得自己當然唔係一個稱職男友啦,衰在時間上同埋心機上!」提起緋聞女友林宣妤,他就話:「都係一個好朋友嘅階段,大家都係好好認識嘅!」目前,丁子朗就認為找圈外人拍拖好過跟同行發展。再問丁子朗有否心儀過圈中女星,甚至展開追求?丁子朗坦白認:「拍劇時候,長期相處實會有一啲感情出現嘅!(邊套劇?)邊套就你自己諗啦,拍劇對象啦!」最後失敗,拍完劇就無疾而終,丁子朗透露,這位曾經追過的拍檔,至今只係合作過一次。原來更有女藝人主動投懷送抱,他說:「都係約行下街食下飯咁樣囉,比識朋友更加進取,咁又感覺到嘅,具體啲又真係未去到拋胸露髀咁樣出嚟,但係都會無無聊聊搲啲水嚟吹下!」

丁子朗坦言收過唔少同性裸照。

丁子朗坦言收過唔少同性裸照。

由於經常晒肌,令他亦深得同志歡心,丁子朗坦言話收過唔少裸照,他補充:「大家對肉體嘅追求比較多啲啦,有啲朋友會將佢自己嘅身體,影完相之後send俾我睇,有啲直情可能係跨性別人士都會㗎!坦白講,我係好多謝大家鍾意我支持我,但係我都勸喻大家,唔好將自己嘅nudity send畀人啦,珍惜自己身體!」問到如果開拍BL劇,想搵邊個做對手?丁子朗好快有答案:「古天樂囉,《大叔的愛》咁樣,哈哈哈,古天樂都真係幾好呀,佢由後生靚到依家,青靚白淨又係靚仔,到依家古銅色皮膚又係靚仔,真係冇得輸!我都想做佢咁樣,我希望自己第時老咗之後都可以,唔係,係年紀大咗少少之後,都可以成為古天樂!」重提拍《森美旅行團》,丁子朗的確全裸在鏡頭前拍攝:「真係會睇到,所以當時真係請走咗Mayanne(麥美恩)、請走咗吳若希、請走咗女PA,淨係得返導演、兩個cam man,導演自己都揸埋機!拍完條片返嚟,第一件事就係導演處理咗條片先,處理完嗰條片,跟住先俾其他人剪!」

戥好兄弟離巢開心

最後問丁子朗,對於好兄弟余德丞離巢無綫,有否戥對方開心?他就答:「我好戥佢開心,因為我知道佢係好想睇呢個世界,大家都見到佢嘅發展係非常之好!」講完好兄弟,最後預告拍新作:「嚟緊有套《法證先鋒V》,嗰個角色我真係好鍾意,做一個好沉默嘅法醫,好似《死亡筆記》個L,我好鍾意呢個角色,我希望大家會enjoy,亦都見到我enjoy呢個角色!」

余德丞最怕食酸嘢,受訪時更做懲罪食物。

余德丞最怕食酸嘢,受訪時更做懲罪食物。

丁子朗接受主持林柏希訪問。 丁子朗接受主持林柏希訪問。
隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受