娛樂
2022-08-01 14:24:25

七人樂隊|杜琪峯撐年輕人:唔好踩!如果無機會就一定唔得

分享:
杜琪峯、洪金寶、袁和平出席《七人樂隊》的映後分享會。 《七人樂隊》映後分享會吸引近300名戲迷。

杜琪峯(Sir)、洪金寶、袁和平(八爺)上周六齊齊出席《七人樂隊》的映後分享會,跟逾300名影迷分享拍攝趣事和解答影迷提問,完場時更被包圍合照,場面熱鬧。《七人樂隊》由杜Sir扯頭纜邀請洪金寶、許鞍華、譚家明、徐克、袁和平和林嶺東合共7位導演聯手,以僅存的菲林底片執導拍攝短片,由五十年代開始,每位導演主理一個十年的香港故事。

杜Sir起用胡子彤、徐浩昌和伍詠詩3位新人參演《遍地黃金》。 杜Sir在《遍地黃金》起用新人,他表示即使新人表現未成熟,也要給予機會才有進步。

Sir籲給新人機會

Sir表示,所有導演都一口答應參與,深感榮幸。被問到最先邀請哪位導演合作,他回應說:「我第一個搵林嶺東,四十幾年朋友,接近半個世紀⋯⋯」此時現場幾乎每支咪高峰都發出低頻怪聲,杜Sir笑說:「唔好亂講嘢,總之係佢啦!」引來哄堂大笑。對於他執導的《遍地黃金》選用胡子彤、徐浩昌和伍詠詩3位新演員,杜Sir說:「我唔想成日畀人話我拍戲都係用嗰幾個主要演員,應該要改變吓自己,拍年輕人希望鼓勵佢哋,香港需要新人。當佢哋有啲成就,唔好踩!係,佢哋可能未夠成熟、未得,但唔好踩。無論新導演或演員,應該畀多啲機會。我哋𡃁仔出嚟嘅時候都一樣被人話唔得,邊個知道得唔得?如果無機會就一定唔得。」

 

徐克的《深度對話》瘋癲過癮,洪金寶直指似社會「九唔搭八」。 3位名導出席映後分享會,並與戲迷大合照。

撐徐克《深度對話》 似社會「九唔搭八」

有觀眾質疑徐克導演的章節《深度對話》離題,洪金寶導演幽默回應:「我好欣賞徐克導演嗰個故事,因為好似依家個社會咁九唔搭八!徐克,好嘢!」全場掌聲和笑聲,身旁的八爺和杜Sir都點點頭。對於近年香港動作電影買少見少,八爺感嘆香港武打演員後繼無人,他說:「好似甄子丹、吳京喺國外學武,再喺內地武術隊受訓,然後我就去用佢哋。武打演員要好長時間栽培出嚟,例如子丹做到差唔多盡,我又要去揀人,但係無人。所以武打片、功夫片嘅前景比較艱辛。」

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受