張智霖自認是中年，希望有機會跟《中年好聲音3》冠軍黃博合唱。(吳康琦攝)
《中年好聲音3登峯之戰》昨晚(11日)賽果已塵埃落定，擔任評審的張智霖認為表演精彩，現場氣氛熾熱，自言樂在其中，有很多歌都聽到眼濕濕，「很久沒有感受咁嘅氣氛，但我會盡量去忍住，要在家裡看才能盡清流露。」他在節目中多次表示偏心黃博，他解釋：「唱歌表演，有時唔需要你每一粒音都完美無瑕，反而是能唔能夠觸動你內心，先係最真實，我覺真心勝過技巧，我鍾意一種動人心弦的力量。」對於黃博奪冠，Chi Lam就答道，「意料之中，喜出望外。」
手術後 多試肥膩嘢
問Chi Lam可曾想過與黃博合唱，他腦海確曾萌生合唱之念，「今日係《中年好聲音3》，我自己都係一個中年，仲要咩要做，可能都要有加list，呢個都係其中一件事。」早前接受膽石手術，問到可用聽老婆袁詠儀叮囑，乖乖戒口，他笑言身體狀況很好，「做咗膽石手術，以前食肥膩嘢會痛，依家要試多啲，睇吓係咪運作正常。」他表示快將加入劇組，也有要求多分配休息時間，但最緊要是拍攝進度。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
