葉蒨文今日（11日）現身《中年好聲音3登峯之戰》紅地氈環節。 (吳康琦攝)
葉蒨文今日（11日）現身《中年好聲音3登峯之戰》紅地氈環節，她接受訪問表示：「我嚟做評審都係幼稚園嘅評審。」提及中年才選擇唱歌是否會太遲，她笑言：「梗係唔會太遲啦！一定任何時間都得，90幾歲都得，因為有感情有感受想去表達，有人聽就得啦！」她強調沒有特別思考選手的水準問題，並表示：「佢哋都辛苦磨練咗九個月，我相信每一個人都好緊張。」她透露老公林子祥今晚也會來觀看總決賽，並笑言：「佢上次已經嚟咗做評判，(TVB）話今次想我做評判，我都諗咗一輪好緊張，好大責任。」
葉蒨文透露老公林子祥今晚也會來觀看總決賽。
回應趙浚承被指屬大熱選手
被問到工作大計，她說：「我睇到邊樣嘢啱啱我未做過嘅我就會試吓。」至於趙浚承被視為今晚總決賽的大熱選手，她坦言：「我唔知你講邊個，因為我好少睇網上嘅嘢，因為我都唔識中文，我冇用上網嘅嘢，所以我入到嚟都好似白板。」
趙浚承日前出席《中年好聲音3》7強見面會。（娛樂組攝）