五索自爆大肚超離地行為。
網紅「五索」鍾睿心（Rachel）早前爆出與已婚大生銀行主席馬清鏗暗交9年，二人育有4名仔女。近來，五索積極經營自己的社交網，更頻頻拍片，除與網民分享生活點滴，更少不了高調烗富。昨日（21日），她就在社交網分享一條短片，自爆懷孕時的超離地行為。
五索指當年懷孕期間，每一日都好想食大埔馳名的「三多」炸雞髀，奈何冇一個外賣平台願意由大埔送餐去山頂，五索自豪表示當時想出了一個「慳錢大法」，就是叫朋友在大埔買雞髀，她再專程call uber送一隻雞髀到其山頂豪宅，最終一隻雞髀連運費要$400埋單。而片中，更見當年負責幫五索買雞髀的閨蜜親身分享經歷，「每日call咗uber 之後，我就將隻雞髀放落車到，就同司機講你可以開車㗎啦，我唔上車㗎，勁尷尬！」五索續說：「孕婦其實係大晒㗎啦，我只係想食一隻$30雞髀，你仲想點啫？ Uber都係三百幾蚊咋嘛，抵啦直頭，我啲朋友仲笑我好離地，其實我好慳錢，如果我叫個司機出大埔一程，再返山頂又一程咩，所以我覺得自己係慳錢。」後來，五索表示亦有考慮到會否太浪費，於是由一隻變叫五隻雞髀才送上車，但卻「出事」了：「我阿媽同我講，食物放落冰格，係一兩年都唔會變壞，兩三星期後，我拎返出嚟氣炸鍋度炸，臭到阿媽都唔認得，我嗰陣時懷孕緊，肚屙，嚇到我黐線。」
ADVERTISEMENT
