今集嘉賓是阿Lam與Sally。
今晚10時TVB翡翠台播出的《今晚有歌廳》，請來林子祥(阿Lam)、葉蒨文(Sally)、《中年好聲音3》冠軍黃博及季軍劉洋任嘉賓，值得留意是阿Lam與Sally均曾擔任《中年3》嘉賓評審，4人甚有緣份。今集主題是「白頭到老」，演唱歌單為《秋去秋來》黃博、《瀟灑走一回》劉洋、《零時十分》黃博、《選擇》黃博、劉洋。Sally席間以普通話大讚劉洋可愛：「我覺得他像一個招財貓。」
《零時十分》與《十分十二吋》之間的密碼
在節目中暢所欲言的阿Lam和Sally，分享了很多有趣小故事，當中包括《零時十分》與林子祥經典作品《十分十二吋》之間的微妙關係；Sally笑言近年發現《零時十分》與《十分十二吋》之間有個巧合，就是《十分十二吋》代表林子祥生日日期(10月12日)之餘，《零時十分》兩組數字倒轉(12：10)也有異曲同工之妙。
阿Lam指，當年創作《零時十分》，靈感竟來自「廁所道門」，他說：「閂咗道門有啲回音，好似喺個studio仔咁，喺嗰度特別有靈感。」周國豐聞言追問：「呢首歌好似話半個鐘就搞掂咗？」阿Lam大方回應：「好似廿分鐘(笑)。」並爆料說：「不過《零時十分》唱到依家，(Sally)仲係唔明係咩嚟。」
阿Lam拍枱 Sally跳起
結婚29年、一直被視為圈中模範夫婦的二人，還大方分享夫妻相處秘訣。Sally說：「第一，一定要communicate，我一嬲即刻講……就算忍住都係喺面度(扮嬲豬表情)，有咩即刻講，唔會積住積住。」阿Lam聞言即搞gag：「佢仲嬲我十年前嗰啲……(笑)。」Sally又大讚阿Lam脾氣好：「佢係一個quiet貓仔。」Sally又指阿Lam唯一一次真正動怒，是有一次家庭旅行，女兒因與男朋友傾了很久電話，結果電話費高達4,000元，加上女兒在事件上態度不太好，令一向溫和的阿Lam亦忍不住拍枱發火，Sally說：「嗰吓我都跳起埋，我未聽過。」
立即更新/下載AM730手機APP 體驗升級功能
