伍富橋、關楚耀、陳安立和陳庭欣今日（20日）一起出席PPA亞洲職業匹克球巡迴香港站賽事開幕典禮。（娛樂組攝）
伍富橋、關楚耀、陳安立和陳庭欣今日（20日）一起出席PPA亞洲職業匹克球巡迴香港站賽事開幕典禮。伍富橋接受《am730》訪問表示：「我諗今日嘅比賽都係全世界最大型嘅賽事，其實過去喺唔同地方都有其他站賽事，今次係第一次嚟到香港舉行，其實一開頭公布會嚟香港嘅時候，我自己有考慮過報名玩，但係當我想報名嘅時候，已經截止。」他繼續指非常榮幸獲邀出席開幕典禮的其中一位嘉賓。
伍富橋分享從2022年開始接觸匹克球（Pickleball）。（娛樂組攝）
伍富橋分享從2022年開始接觸匹克球（Pickleball），並表示：「嗰陣時冇咩人認識呢類運動。我都係透過我太太梁兆楹嘅網球教練介紹呢類型嘅運動俾我哋認識。」伍富橋透露好友陳安立鼓勵他考教練牌，並興奮續說：「而家都算係教練身份，未算完全完成課程，已經有朋友搵我叫我教佢打，所以都好開心可以推廣呢類運動。」談及較早前與森美一起參與「Hyrox香港2025」的健身比賽，伍富橋表示：「呢個比賽出年五月又開始，我亦都有比一個目標自己，可能出年就玩雙人賽，如果森美大哥唔肯同我玩，我就會搵我嘅學生，我覺得同學生一齊玩有師徒關係，都係好有意義。如果四個人玩同兩個人玩係兩件事。」
伍富橋指非常榮幸獲邀出席開幕典禮的其中一位嘉賓。（娛樂組攝）
宣布做獨立歌手預告年尾出新歌
講到工作發展，伍富橋透露早年開設的健身房將會擴充，並表示：「可能會搬舖頭或者多開一間舖頭，但唯一一樣嘢肯定嘅就係會擴充，都睇緊單位，咁就希望再多一間大啲嘅，除咗健身同埋治療之外，再多一啲元素擺落健身度，除咗做運動治療之外，可以多一個地方俾大家休息吓。」他分享健身房生意情況尚算不錯。談及最近在網上經常分享與太太梁兆楹互動的影片，他說：「可能大家對我嘅印象都係比較悶，平時喺鏡頭前或者社交媒體都係扮有型，但去到入行第10年我終於領悟到一個道理，原來呢一個做法係唔得嘅，大家唔鍾意睇我有型。反而最好反應嘅係我同太太一齊拍嘅影片，好多人話你哋兩公婆好好笑。」
被問到音樂發展，他說：「大家都知道我鍾意唱歌，其實我嚟緊都會用獨立歌手嘅身份喺年底嘅時候出一首新歌，搵咗監製去幫我搵Demo，亦都已經有試音，嘗試Pop rock少少嘅中版風格歌曲，希望可以俾大家新鮮嘅感覺，可能以前嘅感覺淨係情歌。」他指現階段不敢挑戰唱Rap。
立即更新/下載AM730手機APP 體驗升級功能
