何韻詩孖盧巧音再次合體網民：真係好似

何韻詩和盧巧音自出道開始，就被指「撞樣」，經常有人將二人認錯。近年何韻詩在網上開設的個人頻道，不時開咪分享生活中的點滴及笑料。上星期，適逢做到第100集，阿詩便請到份屬好友的盧巧音做嘉賓，二人一開始已經笑不停，並表示：「究竟邊度似？」

昨日，阿詩於社交網貼出多張二人在節目當天的合照，其中一張，二人齊齊同用手遮住眼部，只露出燦爛的笑容，頗為相似，阿詩寫道：「終於做到100集，曬你冷！銀河系最期待嘉賓/畫面出現。#似咩唔似啊似咩邊似jack似咩係似嘅」有不少網民紛紛留言表示：「好細個嘅時候成日撈亂你兩個」、「點解可以咁似」、「兩姊妹終於重聚」，但亦有人覺得：「完全唔似」。