佘詩曼生日獲《新聞女王》全組送驚喜 李施嬅check定通告訂定泰國菜

今日是佘詩曼的48歲生日，昨晚她回廠拍攝新劇《新聞女王》時，獲劇組送上驚喜。一眾演員早已夾好阿佘開工檔期，知道壽星女生日前夕會返廠景，施嬅就訂了阿佘喜歡泰國菜，高海寧就負責安排生日蛋糕。施嬅謂：「記得第一日同佘佘拍外景，聽她講過鍾意食泰菜，特別是柚子沙律，所以一早Check晒佘佘通告，知佢今日開廠，就夾定今日放飯時安排送上泰國菜。」

與劇組相處融洽

正當阿佘以為劇組如常放晚飯時候，李施嬅、高海寧、王敏奕、何廣沛、林正峰連同監製鍾澍佳、導演等幕前幕後送上驚喜，突然推出三大個特製蛋糕，兩束鮮花，加巨型生日卡；全場唱生日歌送上無限祝福，搞到阿佘相當感動。阿佘興奮地說：「施嬅好記性，好sweet！高寧今朝收工仲係咁同我講bye bye , 原來大家交戲，我真係好開心，因為我哋喺呢個Office廠景差不多拍咗一個月，大家好熟好熟，相處好像一家人，拍得好開心，真心多謝大家送畀我呢個生日Party。」

向來朋友多多的阿佘，早前與多位圈中閨密及好友提前慶祝，除了有「七魔女」的周家蔚、湯盈盈、文頌嫻、姚樂怡及鍾麗淇外，還有苗僑偉、戚美珍、歐陽震華、郭政鴻、陳山聰、周家怡、方力申及謝天華等，非常熱鬧。