佘詩曼自爆冇停過拍拖 。
視后佘詩曼完成《新聞女王2》拍攝後，日前飛馬來西亞出席剪綵活動，其後接受當地亞KOL可媛(Hilda)的YouTube頻道訪問，其間，阿佘突大爆一句：「我冇停過拍拖」嚇窒全場。
阿佘以往經常與同劇合作拍檔傳緋聞，但自離開TVB後，感情生活變得低調，至今仍然單身的她，經常表示一切隨緣，順其自然。當主持問到阿佘最新的感情狀況，她竟大爆：「我冇停過拍拖喎！」嚇到主持目定口呆，及後阿佘即解釋：「我係同我嘅工作談戀愛，每一個劇集就係我嘅對象，好投入同去揣摩，都已經好多精力，係我去愛上我個角色，其實個過程係好浪漫。(會唔會人格分裂？)我係有，其實我係唔係好正常，我覺得演員都唔係好正常，正常人做唔到演員，你成日一時一樣，點樣會係一個正常人。」對於阿佘幽默的回應，主持似乎不太收貨，並笑言：「唔係要呢啲！」
阿佘入行以來演過無數角色，問到若不當演員會做甚麼？被考起的阿佘想了一想，並謂：「我諗我會做咗一個媽咪囉，我經理人擰晒頭喎，冇嘢可以做到咁慘，哈哈！因為我係唔可以做一啲日日一樣，朝九晚五嘅工我係唔得嘅，咁可能做媽咪都未必得，我唔可以停落嚟，我一放假就癲，放得太耐假就覺得好無聊，人生冇晒意義同好廢，周身唔聚財。」她更指自己非常為食，如果不做演員可能會做旅行美食家。
ADVERTISEMENT
😋請你嘆香港迪士尼20周年下午茶👇立即登記👇
