余德丞（Dickson）大病初愈，昨日首度復工即與蔡思貝以情侶look現身活動，同場還有思貝的父母。在台上玩遊戲時，二人毫不避忌打情罵俏，Dickson更向思貝跪地獻花，十足求婚一樣，蔡媽媽見狀更大拍手掌。最後Dickson和蔡思貝一家人影「全家福」，蔡爸爸還捉著Dickson送上祝福。
蔡思貝說非常珍惜這位朋友，她說得悉對方入院的消息時，感到非常震驚。她說︰「以前對佢似兄弟吵吵鬧鬧，依家我對佢溫柔咗，會擔心咗佢多啲，友誼感情都升溫咗。佢暈咗時我震驚，我即刻趕去醫院，我發現自己好珍惜呢個朋友，依家見到佢身體健康係最好啦！」
Dickson憶述當日昏迷情況，他指踢波途中突然感到有點睡意，之後在球場旁邊躺下，當他醒來的時候，從母親口中得知已昏迷多日。他說︰「可能嗰日本身又太熱，工作又太忙，但最主要係我心臟亂跳，即係心律不正。我要學識唔好咁心急，要慢活啲，要珍惜身邊嘅人。以往一句『祝你身體健康』好似好普通，但其實好重要。」