2018-12-20 06:00:00

傳周勵淇做第三者阿Sa︰每個人都有過去

劉青雲、蔡卓妍(阿Sa)、林峯、湯怡等人出席電影《神探大戰》煞科宴。阿Sa在鍾欣潼(阿嬌)的美國婚前派對上喊到不能控制，「上次我喊得好激動，上到飛機仲喊緊。」她表示日前在阿嬌的註冊儀式上已能冷靜面對，笑多過喊。

阿Sa另一好姊妹周勵淇(Niki(日前宣布結婚，她稱獲對方邀請出席其婚禮。「Niki 11月同我講要結婚，我嚟唔嚟飲，我話嚟，佢話會好簡單咁搞婚禮，叫我Mark期訂機票，我以為快極都是12月，點知竟然係同一個月，結果因為工作所以冇去到佢個婚禮。」對於Niki被指是小三，阿Sa表示︰「我唔知佢哋個拍拖時間表，但每個人都有過去，結婚係兩個人一齊、係開心事，懷住祝福嘅心。」

提到今次電影拍攝，青雲與阿Sa坦言與一眾演員再度碰面，有種劫後重逢的感覺。阿Sa謂︰「成個場都係爆炸品，導演仲嫌唔夠多，冬天又要跳海，又要行屎渠。」青雲亦都指整個拍攝過程非常驚險，「有一場戲要跳落激流，水入面又有好多石頭，拍之前武師有試一次，我拍咗兩個take，都有少少刮損手，啲水好急，差啲沖咗出閘。」林峯亦回憶每天開工時都要打醒十二分精神，既要克服畏高站在高地上，又要動用火槍拍攝，精神和肉體不停接受挑戰。