娛樂
2023-01-20 15:40:00

入行多年冇起色 Trivago男黎學勤簽邵氏成TVB半邊親生仔

分享:

入行多年冇起色 Trivago男黎學勤簽邵氏成TVB半邊親生仔

今晚大結局嘅TVB劇《有種好男人》,劇中陳自瑤同隱形富豪田中先生撻著,演田中嘅型男睇落係咪好熟口面?佢就係幾年前憑廣告一句「酒店? Trivago」為人認識嘅黎學勤(Jeffery)。

入行多年冇起色 Trivago男黎學勤簽邵氏成TVB半邊親生仔

入行多年冇起色 Trivago男黎學勤簽邵氏成TVB半邊親生仔

七師傅曾狠批適合轉行賣菜

本身係model嘅Jeffery,原來2021年中已經簽約邵氏兄弟,算係半個TVB「親生仔」,去年初播嘅《美麗戰場》係佢首套TVB劇。成為 「Trivago男」之前,Jeffery原來已經入行多年,2010年開始接拍廣告,到2017年因Trivago廣告而稍有知名度,更獲邀北上內地拍電影。

 

不過黎學勤人氣無以為繼,甚至以嘉賓身份參與ViuTV節目《七救星》時,更被主持七師傅狠批只適合轉行賣菜,建議佢改名「李嘉誠」,師傅仲自己揞荷包俾3600蚊買金箔幫Jeffery「面上貼金」改運。

入行多年冇起色 Trivago男黎學勤簽邵氏成TVB半邊親生仔

 

邵氏兄弟由TVB同華人文化控股(CMC)合資,旗下藝人有黃宗澤、胡定欣、陳瀅等。近年有唔少闖蕩娛圈多年藝人,簽咗邵氏兄弟之後曝光率明顯上升,例如王宗堯舊愛、過去主力拍電影嘅蔡潔;參加過ViuTV《全民造星3》嘅關嘉敏等。黎學勤會唔會終於有機會,唔止俾人記得拍過Trivago廣告?

 

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受