香港觀眾由不接納到認識支持。P1X3L感到難能可貴。
從不接納P1X3L到支持 Phoebus感觸：好難得
今集一眾主持到台灣西門紅樓進行一期一會的公演。由於排練時間緊絀，他們都擔心無辦法呈現一個完整的表演。Phoebus感觸指：「係上台之前一直都俾壓力自己。同自己講千祈唔好辜負嚟台灣支持嘅Fans。香港觀眾由未接納P1X3L，到宜家開始有人認識同支持。我覺得每一樣野都係好難得。」而表演新歌的Win Win完成後十分滿足：「其實一直都好驚係台上面拎支咪同聽到自己把聲。但係宜家竟然可以係台上面唱完一首歌！我覺得呢個係叻叻！」此外，8位主持分成不同的小組單位表演多首歌曲，令全場氣氛高漲。
Sica獲母親赴台支持
公演開始前，已有Fans帶同應援到場，Sica媽媽亦有現身支持。隨後，Alice更眼濕濕感激隊友令她的組合夢想得以圓滿。Sica亦淚崩指這次舞台有《全民造星》時的感覺，感到十分熱血和開心。Yoyo分享指希望大家可以一齊見證著自己的成長和努力。George表示：「每當我地一齊嘅時候，感覺係最自在同舒服。最正嘅地方係，我地都好Enjoy呢個節目，亦都有我地各自獨有嘅Vibe係入面。」
