影帝任達華(華哥)昨日出席中銀香港「私人財富」活動，向有「演藝圈樓王」之稱的華哥，在全球擁有超過30個物業，席上他大談置業心得與Tips，又分享個人理財之道及財富傳承。
中銀香港個人金融及財富管理部總經理陳文(左二)、副總經理(本地客層)林敏儀(右一)及副總經理(分管理)吳楚珠，與華哥一起擔任「私人財富」揭幕禮嘉賓。
華哥指，一直是中銀香港的長期客戶，不時接收到中銀香港提供的專業理財方案，談到投資之道，華哥稱鍾情置業：「我對置業有一個非常重要嘅條件，就係自己鍾意嗰個地區先置業，好似香港、倫敦，太太琦琦嘅家鄉上海，因為對呢啲地方比較熟悉，碰壁機率相對較低。」
瞄準大灣區發展潛力
近年經常往返內地工作的華哥，有留意大灣區的投資發展潛力，大灣區發展速度迅速，成果驚人，「個人而言，我睇好廣東中山物業嘅升值潛力。因為中山鄰近香港，周邊交通配套完善，方便度假。」在內地投資方面，華哥信任中銀香港「私人財富」的跨境專家，因中銀香港熟悉內地市場、政策及最新行情，能配合他在內地的理財投資需要。
精明的華哥，一早揀了中銀香港幫手理財。
為愛女早規劃財富傳承
出名懂得生活享受的華哥，其女兒Ella盡得他真傳，是名副其實美食導遊，「全家旅行通常個女安排行程，上年年底我飛去澳洲拍嘢，琦琦、Ella過嚟會合我。Ella事前搵晒好多打卡餐廳，我就充當柴可夫司機，載著成家人到處玩。」華哥表示，下次旅遊行程會交由「私人財富」的禮賓專員代勞，由訂車、酒店、餐廳一一為他辦妥。
談到財富傳承，華哥早早為寶貝女Ella將來作了打算，「老實講，我對財富傳承冇咩研究，而且我響各地有唔同類型嘅資產，有關安排比較複雜。不過中銀香港『私人財富』嘅專業團隊，了解我嘅長遠計劃後，幫我度身訂造一套適合我同家人嘅傳承方案，令我非常放心。」