傅嘉莉向來是愛貓之人。
傅嘉莉今日（19日）出席新劇《刑偵 12》宣傳活動，她接受《am730》訪問表示：「喺《刑偵 12》我係飾演一位心理學家，係我人生第一次飾演心理學家。」她指當初收到劇本感覺很難消化，並表示：「我嘅角色其實唔係好難，反而係其他案件同埋角色嘅人格就係好新嘅嘗試。」
傅嘉莉今日（19日）與吳業坤出席新劇《刑偵 12》宣傳活動。（娛樂組攝）
與吳業坤有親熱場面
被問到與吳業坤在新劇當中會有親熱場面，她表示：「我從來未試過呢啲感情戲，我同吳業坤之前又喺其他劇嗰度合作過，私底下其實我哋真係一班人好好朋友。吳業坤同我講好緊張其實咁親密都係第一次，拍嘅時候佢想錫黎埋嘅時候都唔係好夠膽，其實吳業坤真係好gentlemen。」她分享第一次體驗女演員帶領男演員拍親密場面的感覺。
傅嘉莉指吳業坤好gentlemen。（娛樂組攝）
高齡愛貓離世難掩傷痛
至於最近高齡愛貓離世，她說：「其實咁多年來一直都好專注工作，其實停一停諗我身邊所有嘢，每個人都會老，貓咪同埋屋企人都會老，時間過咗好快，我好慶幸嘅佢哋兩個（貓咪）都係我喺身邊嘅時候照顧到佢最後，過身嘅貓咪其實當時我嗰日係宣傳做緊嘢，我呢幾日都有問自己其實我係俾佢安樂離開定係自然離開，我喺貓咪面前都問咗佢好多次，我冇諗過最後佢選擇自己自然離開，冇拋到個問題俾我，貓咪真係好懂事。」她指因為這次貓咪離開的經驗實在太過難受，所以日後不會再考慮養貓。
立即更新/下載AM730手機APP 體驗升級功能
