前亞姐鄭伊娜、李霖恩到旺角花墟出席秋祭活動。
前亞姐鄭伊娜（Ena）去年10月睇戲時，不慎發生意外，在樓梯跌倒導致嚴重甩骹，有兩處骨折及三邊有很多碎骨，雙腳腫脹變形，留院多個月之後，還要做物理治療。腳傷初癒的她日前帶同家人一起到旺角花墟公園出席「舞吧！秋祭2025」活動，感受場內日本文化氣息。同場還有李蕙敏、李霖恩、菁瑋等。
Ena 與菁瑋獨愛場內的拉麵和串燒，而菁瑋更聲稱被Ena 一家的食量嚇倒：「我頭先見佢哋食完一碗之後，再食多兩碗，我企喺隔離被拉麵嘅香味吸引，所以忍唔住也要食一碗！」而二人更大玩場內「夾杯麵」機，菁瑋更試了三次就成功夾到杯麵！相反Ena 頭三次未能成功，但第四次就由囡囡成功夾到！
至於李霖恩則是誤打誤撞地發現該活動：「頭先諗住同囡囡去花墟，點知發現原來附近有一個秋祭活動，所以就入嚟逛下！點知發現原來場內有好多日本人經營嘅攤檔！我平時去日本都係有計劃哋去進行，反而今次漫無目的咁入咗嚟逛咗一個日本秋祭活動，仲發現咗好多有特色嘅攤檔，啲嘢食真係好好味！」
菁瑋與李霖恩
ADVERTISEMENT
