臨近年尾，唔少人會出席各式各樣飯局，當然少不了與親朋好友相聚，共享歡樂時光。喺噚晚（8日），著名時裝及形象設計師劉培基喺社交網站上載與好友相聚嘅照片，相片中包括有黃淑儀、黃錦燊及TVB首位新聞女主播葉雅媛等等。
葉雅媛曾有男觀眾接收工求愛
葉雅媛畢業於中文大學新聞系，喺讀書嘅已經喺TVB擔任實習記者，畢業後便加入TVB工作，並成為香港新聞報道嘅首位女性主播。葉雅媛係80年代最當紅嘅新聞主播之一，除咗有專業嘅表演之外，佢亦有出眾嘅美貌，所以當年佢有數之不盡嘅追求者，仲試過有男觀眾手持花束接收工求愛。佢喺一次採訪下認識著名建築師徐憲輝，二人其後更相戀並結婚，婚後誕下一子一女。
喺1995年，葉雅媛過檔有線，並喺1999年辭去主播職務，專心相夫教子，照顧屋企。不過喺2012年就傳出二人離婚，有指原因係男方與一名上海女子發展婚外情。雖然葉雅媛與老公結婚接近30年，不過佢都決定離婚。
劉培基與好友聚舊
劉培基IG
劉培基與好友敍舊
劉培基IG
劉培基與好友敍舊
劉培基IG
劉培基與好友敍舊
劉培基IG
原文刊登於 Yahoo娛樂LOL，am730獲授權轉
