日本經典卡通片《多啦A夢》紅遍全球，係唔少人嘅童年回憶。除咗周邊商品之外，主題公園及餐廳都同樣吸引大批粉絲支持。喺印尼都有一個多啦A夢嘅主題公園，不過入面嘅角色雕像完全係會嚇親小朋友，兼令人大叫「毀童年」。
呢個位於印尼嘅多啦A夢主題公園，入面有多啦A夢、大雄、靜香、小夫、胖虎及多啦美嘅雕像，不過佢哋就同卡通片好唔同，例如多啦A夢眼仔out fo兼有血盆大口；小夫嘅嘴巴好似雀仔嘴巴、胖虎個口就大多到好似想食人、多啦美竟然由黃色變咗紅色及大雄同靜香可以話係判若兩人。
主題公園雕像引起網民熱烈討論，例如「小朋友見到真係會發惡夢」、「好嚴重嘅輻射」、「毀容版技安」、「個咀想點呀…」、「好x恐佈，睇完發惡夢喔！」、「整容失敗咗嘅靜香」、「紙紮都靚過佢」、「中咗輻射的靜香」、「還我童年！」、「裂口叮噹」及「好有荔園feel ！」等等。
原文刊登於 Yahoo娛樂LOL，am730獲授權轉載
立即更新/下載AM730手機APP 體驗升級功能
