古惑仔新版選角惹網民熱烈討論 周殷廷演陳浩南、湯令山最啱演包皮？
不時都有網民討論如果將電影電視經典作品拍新版的話，可以有咩人選。最近就有網民提出如果拍新版《古惑仔》，現今有咩藝人啱做。
當年嘅《古惑仔》造型照
網民建議湯令山演包皮 洪嘉豪演蕉皮
發起嘅網民提議，《古惑仔》主角陳浩南由YT大哥周殷廷飾演，而浩南嘅好兄弟山雞就由MC張天賦擔綱，手臂有唔少紋身嘅Tyson Yoshi就演後期加入故事嘅大頭仔。呢3個角色原本係鄭伊健、陳小春同錢嘉樂做，都唔使多介紹啦。
最好笑係網民建議由呢期搵大批裸男陪佢《用背脊唱情歌》嘅湯令山Gareth. T，演原本由林曉峰做嘅包皮，又真係幾match喎。原post話諗唔到大天二（謝天華飾）同蕉皮（朱永棠飾）嘅人選，有網民不約而同認為由游學修做大天二好適合，而洪嘉豪就可以演蕉皮。
原文刊登於 Yahoo 娛樂圈
ADVERTISEMENT
20周年「全城撐本地消費3重大激賞」！ 即睇活動詳情！
