阿佘、高海寧、何依婷、車婉婉、王敏奕等出席無綫台慶劇《新聞女王》慶功宴。
車婉婉昨日 （7日） 現身尖沙咀出席《新聞女王》慶功宴。對於被向展鵬在社交網貼相暗指扮嘢寸爆，車婉婉坦言有留意到新聞，但對於他的指控是「一頭霧水」。 車婉婉表示完全不知道甚麼事，而早前在《中年好聲音》謝師宴，就好像一個家庭聚會，心情輕鬆，冇特別諗要準備講咩說話。而當晚向展鵬有主動與她相應，表示二人同一個唱歌老師，30年前已經認識，但因為嗰度好多學生，車婉婉真係唔認得冇印象，但亦表示唔緊要繼續傾偈。
車婉婉表示當晚沒飲酒很清醒，不知道是否有說話令向展鵬不開心，她續指曾有向對方說很想對方節目「留耐啲」，並表示：「佢都有唱英文歌，好想你留耐啲，好難得有一個唱英文歌，我話我覺得你可以行呢個路線，但真係可惜最尾揀錯咗隻歌，跟住都有合照」車婉婉亦表示當晚現場環境好嘈，可能她的語氣不好，或者大聲或細聲，令對方覺得她好串，並謂：「如果我真係有做得啲咩唔好真係好sorry，因為嗰晚我喺一個好放鬆嘅地方，可能有啲嘢令到佢好upset，真係唔好意思！」
車婉婉對於被向展鵬指控一頭霧水。
向展鵬原來跟車婉婉有牙齒印。(《中年好聲音2》截圖)