呂慧儀稱，絕對服從公司安排，不覺宣傳騷擾。
劉丹、呂慧儀(阿蟹)、滕麗名(阿滕)等，昨日出席劇集宣傳活動，近日有傳阿蟹不滿無綫安排採訪頻繁，因而罵走娛樂新聞台主播周佩婷，阿蟹強調沒有罵走周佩婷，又指明白娛樂台欠缺新聞的苦況，不知為何傳出如此負面的報道。
被問及罵走娛樂台節目主持周佩婷一事，阿蟹解釋，「自己都唔知道，點解件事會傳成咁樣，當時睇到周佩婷離開，以為佢有事先走。」阿蟹指，不覺得公司安排太多採訪：「其實可以理解，最近少咗好多娛樂新聞，傳媒朋友都辛苦啦，又要同圍搵新聞，所以公司安排咗宣傳，我哋一定會服從安排。」
滕麗名解釋不老之謎，全憑美顏App幫手。
滕麗名朱咪咪片廠話當年 即俾導演窒
正拍攝《陀槍師姐2020》的阿滕，日前上載一張和朱咪咪的合照，被網友大讚凍齡，阿滕笑言美顏App功能強大，又說：「朱咪咪先係冇乜變化嗰個，一個髮型用咗20年。」阿滕稱，因為常常和朱咪咪在劇組想當年，令導演覺得非常煩厭：「導演話你哋得閒就排戲啦，可唔可以唔好再話當年呀。」日前復活節，劉丹指沒有帶孫女小糯米出去外遊玩：「小朋友響屋企有好多嘢玩，又會唱歌跳舞，佢爸爸(劉愷威)啲工作全部延期，留響屋企陪佢玩。」
活動安排一眾演員進行穿越藤圈等表演，劉丹笑言想起當年參與慈善表演的情景。