吳文忻直認乳癌復發與情緒有關。
現年50歲的前港姐季軍吳文忻(現名吳忻熹) 自去年8月公開乳癌復發後，一直積極抗癌，早前她透露癌指數跌到去正常水平，每周一次的化療變成三星期一次，在生活逐漸回復正常之際，吳文忻卻驚爆已跟老公陳劍陵分開，結束14年婚姻。近日，吳文忻接受鍾慧冰YouTube頻道《冰姐的花樣人生》訪問時，除分享抗癌之路外，亦直認癌症與情緒有關。
吳文忻早前驚爆已跟老公陳劍陵分開，結束14年婚姻。
鼓勵同道人
節目中，吳文忻被問到女性患乳癌或子宮頸癌是否跟情緒有關，她直認表示：「係㗎，好多人都話乳癌、子宮頸癌，通常都離不開一個愛字或者一個情字。」再問到是否因情緒影響到有這個病，吳文忻再肯定表示：「會㗎，有㗎。」她更分享心得如何可以令自己有好轉，「最好早啲自己察覺，早啲去面對佢、放下佢，好多時女人有拖延症，唔去到崩潰嗰刻，或者真係病喎，先肯迫到你去做呢件事。根本好多女人未必察覺到，可能慣咗個模式係做媽媽係咁㗎啦，做老婆係咁㗎啦，一個家庭係咁㗎啦，但其實有好多情緒都抑壓咗喺度喎，佢哋又唔知，自然會生病囉。」
吳文忻在抗癌之路，一直有分享心得鼓勵同道人，她更希望可以「化癌為機」：「呢個cancer其實係一個好好嘅機會畀我哋自己去反思，cancer唔係一個傳染病，係漫長時間。你可能對自己身體或心靈唔好，身體就對你作出一啲控訴，呢個病畀你一個好好嘅機會去反思，去諗返有啲咩係出錯咗，最重要係『內在小孩』，好多人掛住工作忙碌、照顧家庭呀，已經遺忘咗，所以呢樣嘢要自己深深了解返，係一個好好機會畀你去反思同真係make change囉。又咁啱講咗出嚟之後，好多人話返畀我聽，好大正能量，有啲啟發性。」所以吳文忻決定出書及出歌，除了一圓歌星夢外，同時亦希望將能量化為文字及音樂傳承開去。
ADVERTISEMENT
20周年「全城撐本地消費3重大激賞」！ 即睇活動詳情！
