娛樂
2022-07-01 10:33:57

吳日言出盡九牛二虎之力誕第二胎 宣布細仔Zayden順利出世

分享:
吳日言宣布囝囝Zayden順利出世,一家四口相當溫馨。

吳日言宣布囝囝Zayden順利出世,一家四口相當溫馨。

現年38歲的吳日言(Yan)與老公Barry育有一名3歲女兒,今年3月吳日言宣布懷上第二胎的喜訊,而上月她更興奮公佈今胎佗男B的消息,成功湊成一個「好」字。吳日言昨晚(30日)在社交網報喜,宣布囝囝Zayden出世了,並分享了今次分娩的經歷寫道:「今次真係出盡九牛二虎之力,在第9次鎮(陣)痛中順利自然分娩。原來人真係有痛楚記憶,所以我今次揀無痛分娩,大約用了5個鐘,比起上一次減低9成痛楚,呢一針真係抵。家姐同細佬都係同一間醫院出世,見返幾年前幫我接生嘅護士,感覺非常親切,多謝你哋為我吶喊,先可以咁順利。今次生仔有D特別,因為有三位中文大學生需要做實習,所以做了現場觀眾,而家嘅學生已經係00字頭,佢都唔知EE係乜水,希望今次嘅經驗幫到佢哋,我都知道醫護相當缺人,自己人自己救,為未來嘅醫護出一分力。最後,我哋已經安全返到屋企,出邊橫風橫雨,大家乖乖留係屋企啦!」不少圈中好友包括Coffee(林芊妤)、張紋嘉等都有留言送上祝福。

 

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受