吳若希正為其澳門演唱會加緊排練。
日前迎來33歲生日的吳若希（Jinny），近日正為其「吳若希《Gossip of Me》演唱會」澳門站加緊排練。
吳若希的澳門個唱將於本周六 (31日) 晚上7時在澳門葡京人H853娛樂館尚梯館舉行，Jinny把握時間到band房練歌，她非常期待在音樂總監梁榮智的巧手編曲，以及製作團隊細意安排下，屆時觀眾能感受和欣賞到他們的那份用心，Jinny表示：「仲有幾日就要係澳門開show，既緊張又焦慮，因為最近Covid真係好勁，今日綵排嘅歌已經預備好，但係我覺得自己未Ready，好緊張呀，我一陣就會去睇中醫，針一針灸自己嘅喉嚨，等自己把聲可以去到最好嘅狀態，先至可以表現到最Perfect俾大家聽。」她續說：「第一次喺澳門尚梯館開演唱會，之前有經過但冇入到去，我會提早過去睇吓到底個場地係點樣，好似當我企係個台上面時同觀眾嘅距離有幾近，同埋我好希望試吓行嗰個Cat Walk台，因為我花咗好多心機去行Cat Walk，希望行出嚟有『女神風采』，唔知道到時台前會唔會準備咗風扇，吹住我等我有女神嘅髮型？」
立即更新/下載AM730手機APP 體驗升級功能
