娛樂
2024-06-20 23:10:02

呂爵安Edan新歌做魔鬼 枱上跳舞盡展多年苦功

分享:
呂爵安Edan新歌《月光奏明曲Moonlight Sonata in “E” minor》以魔鬼造型出現。

呂爵安Edan新歌《月光奏明曲Moonlight Sonata in “E” minor》以魔鬼造型出現。

MIRROR的呂爵安(Edan)推出新作《月光奏明曲Moonlight Sonata in “E” minor》,向來愛在MV中帥氣登場的他,打破常規以極度邪惡造型拍攝MV,而歌曲亦一改以往作風,唱出以偏概全的社會病態,惹人反思。

歌名令人聯想到貝多芬的《月光奏鳴曲》,Edan道出歌曲創作靈感道:「呢首歌已經做咗成年,當時係想做一首Classical加跳唱嘅作品,跟住就揀咗貝多芬《月光奏鳴曲》,然後我哋再諗用月亮去延伸,諗下講咩好:月亮本身唔識發光,只係因為太陽嘅照射,人類喺地球上望上去,先見到月圓月彎唔同形狀,但佢本身係暗黑球體。我哋跟住諗到,想藉此比喻喺資訊咁發達、速食嘅社會,我哋睇每一件事就好似太陽照落去,佢係咩形狀就係咩形狀,唔會細心用時間去研究。」

Edan新歌Intro同Ending的位置用了貝多芬《月光奏鳴曲》。

Edan新歌Intro同Ending的位置用了貝多芬《月光奏鳴曲》。

經過填詞人T-Rexx的巧思,歌名中的「鳴」變了「明」,有道出真相的含意,而英文名亦將歌曲原本C Sharp minor的調子,變成了E minorEdan續道:「E就代表Edan,而MajorMinor平時喺音樂上有大調、小調意思外,其實亦有主流、非主流嘅意思,而今次歌曲係屬於Edan一啲Minor嘅想法,所以就用上E minor。」

他續說到:「今次喺IntroEnding都係用咗貝多芬《月光奏鳴曲》,以前學琴都有彈過,而且咁啱都係同一個Key,練起上嚟都好快,冇話好難,但中間嘅鋼琴Solo的確有啲考起我,因為太密太快,但都幾得意同具挑戰性,希望有一日可以喺舞台上可以表演到呢一Part俾大家睇啦!」

adblk5
Edan在枱上面跳舞。

Edan在枱上面跳舞。

講明這次是跳唱作品,MV中當然不乏跳唱畫面,Edan對此都感到很難忘,他說:「裡面好多長鏡頭跳舞場口,好似喺枱上面,或者喺皇座上面,都係一Shot落跳舞,另外有對翼喺好混亂嘅狀態等等,以往都係比較少嘗試,所以今次體驗真係好在喺呢幾年對表演同跳舞,都有少少嘅進步,今次先Handle到呢啲嘢,如果唔係以前嘅自己應該做唔到而家MV想表達嘅嘢,當然可以做得好好多,但呢個Timing都係幾有趣,希望大家都鍾意。」