周國賢和馮允謙現身馬鞍山，出席CHILL GENKI音樂祭》記者會。(娛樂組攝)
周國賢、馮允謙(Jay Fung)與MIRROR成員姜濤、盧瀚霆(Anson Lo)、呂爵安（Edan）、李駿傑(Jeremy)今日於馬鞍山出席《CHILL GENKI音樂祭》記者會，屆時周國賢將會同日本殿堂級高音和小野正利合唱、馮允謙則與日本人氣女神adieu合唱。兩人在室內場地受訪，不時受到陽光照射，兩人都弄得滿頭大汗，周國賢一度掀開外套，馮允謙就貼心幫他抹汗，周國賢亦回禮為對方抺汗，溫馨又有愛。
周國賢自細聽PUFFY 恨同台合作
活動上，曾於日本留學的周國賢即席高歌幾句《聖闘士星矢》的《ペガサス幻想 》，馮允謙自言是藤井風Fans，但不擅長記日文歌詞，故哼了一段《Overflowing》。周國賢自爆是另一位嘉賓二人女子組合PUFFY的fans，期望有機會合作，「真係細細個就聽，日日都聽，真係有啲迷戀嘅嗰種階段，我懷疑見到佢會面紅。」至於殿堂級的小野正利，他自言有少少怯，「佢classical底，唱到重金屬撕裂式咁都得，仲要四個Octave(八度)……我諗我會俾佢氣場震懾到！」馮允謙自覺跟adieu聲線幾夾，「因為佢聲音比較Soft，好warm，我覺得自己聲音都有呢啲quality。」
周國賢自爆愛看《我愛小忌廉》 馮允謙只懂《多啦A夢》
被問到會否crossover動漫造型時，日本迷周國賢自爆竟是《我愛小忌廉》fans，接著提到《怪物小王子》、《鬼太郎》、《聖闘士星矢》等，馮允謙卻聽得一頭霧水，周國賢再追問可有聽過由他唱的《黃金入球》，馮允謙笑言：「我聽過《叮噹》囉，《多啦A夢》。」當被問到誰是胖虎、技安時，馮允謙一臉黑人問號，令周國賢大感無奈：「咁我哋扮多啦A夢啦，我扮大雄。」談到林欣彤突然開直播，片中他向觀眾求救，Jay Fung重申不了解情況，不欲多談；曾是情緒病的周國賢就表示已有逾10年沒見過林欣彤，「我真係好想佢快啲康復，返返嚟做多啲好歌畀我哋聽。 」
麥浚龍版《風林火山》 考觀眾耐性
周國賢受訪時，談到好友麥浚龍（Juno）自編自導自演的《風林火山》成為全城熱話，他自言亦是坂本龍一的fans，故亦有入場持並已「二刷」，他自言平時亦有執導和剪片，尤其喜歡暗色系列，故亦有向Juno取經，「同埋因為我自己有少少導演嘅諗法，如果我係導演，我會開三集或者開多幾集，我哋都好期待睇加長版！佢同我講過本身佢自己心目中有個版本係幾挑戰時間，睇大家耐性，我好期待嗰個版本，希望有一日睇到。」不過他指Juno正忙於其他創作項目，暫未有時間處理加長版。
