梁式昕拍攝新歌《STAY》的MV
唱作女新人梁式昕(Catrina)近日推出最新單曲《STAY》，MV邀請了《全民造星V》亞軍KC黃家灝及有「馬拉AK」之稱的混血模特兒Bron(賀邦)，以及《造星IV》時認識的好友劉展橋(Jackie)和YouTuber陳麗柔(Natalie)一起拍攝青春校園愛情故事。Catrina表示今次走日式台風，認為KC是適合人選，她大讚KC有義氣，在37度酷熱天氣下於西貢進行外景拍攝，而且要拍攝超過22個鐘，仍一口答應，「完全冇問題！」
有別於上首作品《THE LINES》，今次Catrina嘗試以清新、甜美曲風帶給樂迷：「好開心今次曲、詞上有T-Ma和Oscar同我一齊完成，rap詞則由自己一手包辦，加上TonYnoT編曲，令成首歌充滿青春、夏日氣色，希望大家會將《STAY》加入summer playlist，每到夏天就諗起要播！」拍攝《STAY》MV時，KC已報名參加《造星V》，Catrina睇好對方：「佢有實力就當然架啦！但係佢同我講嘅時候，我就話唔知點解我覺得你會得到名次，點知真係貼中咗！」
為了兌現承諾，《STAY》MV找來《造星IV》導演Himtos完成：「當時《造星IV》嘅MV令大家留意到我，所以我好多謝佢，我講過如果出歌，會搵佢做導演。」MV創作概念源自Instagram reels，MV畫面來自好多青春校園電影，例如《那些年，我們一起追的女孩》，但就想用一個更’gen z’的方式呈現，同團隊商量後就覺得Reels是一個好主意；但要做到整體觀感上這班好朋友經歷長達幾年的故事，於是妝髮及造型上花了好多心思用上8個造型去展現。」
Catrina大爆拍攝趣事，由於她特地為大家準備好的退熱貼轉眼用完，所以她要再去超級市場買：「跟住收銀姐姐誤會我哋係攞去賣，同我講唔好連退熱貼都炒啦！」今次第一次同混血兒Bron拍攝，初時大家用英文與他溝通，然後他按捺不住叫團隊：「你哋都係講返廣東話啦！」才驚覺Bron母語是廣東話，且是好流利程度。最後，她不忘感謝填詞的Oscar將Demo中的英文歌詞中的內容和氛圍與其他感受結合而成，創作出這份青春甜蜜的歌詞，至於會否推出《STAY》會有英文版？她就大賣關子：「請大家期待吓！」