單文柔冧爆表示選港姐最大收穫是認識到陳展鵬。
現年35歲的單文柔（Phoebe）2016年參選香港小姐入行，其後與陳展鵬結婚，育有一女「小豬比」，單文柔婚後便淡出幕前專心相夫教女。近日，適逢新一屆香港小姐正在舉行得如火如荼，單文柔就在社交網拍片，分享當年參選港姐的點滴，更冧爆表示最大收穫是認識到陳展鵬。
單文柔指當年自己都是抱著玩的心態去參選，因剛從英國讀完書回港，卻被媽媽催搵工，加上她亦想有一些新嘗試，於是便報名參選港姐。單文柔續憶起參選最有趣的事，她說：「係等嘅時間，我係冇諗過等咁耐」並謂三輪面試都要很長時間，笑言與其他參賽者幾乎由出世到讀書至未來都傾晒，因而結識劉穎鏇、張寶兒及魏韵芝等幾位姊妹。
談到最震驚的事，單文柔就甜笑謂：「梗係識到我嘅下半生展鵬啦，因為我自己都無諗過，參加港姐嘅時候，會係比賽裏面識到展鵬」，她透露二人並不是比賽當日認識，而是決賽前幾日在更衣室撞到，當時透過經理人的介紹下才是真正第一次認識 ，到後來選完都未正式傾偈去溝通，當講到戲肉時，單文柔突然終止話題，怕羞地說：「唉算啦算啦，唔講咁多，之前都講過好多同展鵬點認識，我諗大家都已經知，嘻嘻。」至於參選港姐對她的人生有否改變，單文柔認為每人都有自己的命運齒輪，而她的命運齒輪轉變就是參選港姐，並坦言：「我收穫咗我嘅愛情同婚姻之外，我覺得我嘅人生軌跡裏面，我冇諗過可能咁快行呢條路或者有呢個安排。」最後，單文柔不忘勉勵大家：「別怕舞台大小，人生處處是舞台，關鍵在於你是否有勇氣站上去，為自己發光！真心希望每個女孩都能自信、享受人生、勇敢做自己！」
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
