娛樂
2022-08-12 12:55:27

嚴選5大為節目食重口味食物藝人 容祖兒為節目食豬糧未算誇 有人連尿都飲埋

分享:
容祖兒為節目食豬糧未算誇張 謝天華連尿都飲埋

容祖兒於《牧野家族》食豬糧亦未算誇張,不少港星為了節目都豁出去,謝天華連尿都飲埋。

香港樂壇天后容祖兒(Joey)近年主攻內地市場,最近佢就出演內地綜藝節目《牧野家族》,喺最新一集佢要為豬仔炮製早餐,不過佢竟然忍唔住食豬糧食埋一份,仲要食完一啖又一啖,好似好享受咁,節目出街後引起網民熱烈討論。其實過往都有唔少藝人喺拍攝節目時,食過重口味嘅另類食物,而家就同大家重溫一下啦!

謝天華 謝天華

謝天華人在野飲尿

喺2016年嘅內地自然探索紀錄真人騷《跟著貝爾去冒險》中,英國荒野求生專家貝爾(Bear Grylls)擔任領隊,帶領8位中港台明星經歷叢林求生,而謝天華就係嘉賓之一。去得野外求生嘅話,大家都知食蟲係好基本。估唔到去到最後一集,貝爾要求佢哋飲返自己嘅尿,而謝天華亦成功衝破心理關口,一口氣將一大樽尿飲晒落肚。

馬德鐘 葉璇 葉璇 馬德鐘

葉璇食蟲即嘔 馬德鐘讚好味

葉璇及馬德鐘喺2015年內地綜藝節目《今天吃甚麼》,佢哋喺拍攝時分別被要求食竹蟲、蟋蟀、蜥蜴湯等另類食物。喺拍攝時,葉璇表現得非常害怕,喺挑戰食蟋蟀時佢仲當場嘔吐,不過喺食竹蟲時,成功食蟲落肚。另外,佢哋仲有挑戰蜥蜴湯,煮完後更要試飲,葉璇竟然毫不猶豫咁食蜥蝪肉。

ERROR ERROR ERROR

ERROR昆蟲火鍋 保錡快吞轟、193食屎成經典

如果要講食另類食物嘅話,ERROR成員都可以話係好有經驗。ERROR成員喺過往兩輯嘅《花姐ERROR遊》曾被製作組要求食多次另類食物,例如腥臭吞拿魚眼、各種昆蟲料理、青蛙/蜥蜴與巨蟲嘅火鍋,及屎味咖喱等等,佢哋每一次都勇氣可嘉咁食落肚,令人印象深刻。

麥皮蟲熱狗 麥皮蟲熱狗 麥皮蟲熱狗

麥皮蟲熱狗成MIRROR噩夢

喺《MIRROR GO》中,製作組為MIRROR成員精心炮製麥皮蟲熱狗,當時成員們都面露難色,而Anson Kong仲反胃兼作嘔咗好多次。之後,Anson Lo喺《神的女主角》再一次食麥皮蟲熱狗,不過今次佢就係自己主動提出,仲要食咗一大啖。

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受