Ad Block Ad Block
娛樂
2023-12-08 13:04:57

女團EOS終出廣東歌 鼓勵女性自主盡騷天賦本錢

分享:
EOS新單曲《Sexy Dangerous》是樂迷們熱切期待的廣東歌。

EOS新單曲《Sexy Dangerous》是樂迷們熱切期待的廣東歌。

本地女團EOS今年8月推出寫真集,承諾賣過5,000本就會推出廣東歌,雖然最後埋單銷量未能達標,不過公司依然全力支持,為EOS製作新歌,今次新歌叫《Sexy Dangerous》,是樂迷們熱切期待的廣東歌。新歌與出道的英文歌《BIG BANG》,相隔11個月,EOS隊長Hazelle為此解釋:「我哋都等咗好耐,我哋都想快啲有新歌俾大家聽,但因為公司好重視新歌project,今年3月已經發散晒人去搵demo,香港、台灣都有,但聽嚟聽去都唔啱心水。」於是公司決定找來今年產量極高的雷深如J.Arie度身訂做新歌,邀請她擔任作曲人及監製。

Ad Block

為一擊即中,J.Arie譜曲前,特意花時間跟EOS會面傾偈,了解三位成員性格。J.Arie說:「三位成員性格好鮮明,佢哋亦各自專長唔同領域,而且接受能力好高。所以今次想作一首香港女團冇乜試過嘅曲風俾佢哋,主要想呈現佢哋sexy嘅一面,所以有紐約百老匯紅磨坊嘅感覺。除咗有佢哋擅長嘅跳唱同rap之外,仲加入咗少少Jazz元素喺入面。」EOS收到J.Arie的demo後,不約而同表示有feel,公司同時安排藍奕邦為新歌填詞,寫了一首關於女性自主的舞曲,歌詞講中時下社會現象,女性不應埋沒天賦本錢,應坦露內在性感和美麗,毋須介懷外間無謂的負評。

Ad Block
Hazelle@EOS Summer@EOS Lokyi@EOS

歌曲中有兩段rap部份,由團中主rap的成員Summer寫詞,她說:「我冇填詞經驗,驚㗎,但唔試下又點知自己能力,今次我填咗兩個版本,好好彩,老闆同J.Arie都好滿意。」其中一個版本的rap詞,Summer大膽地填上bull shxx,以強悍態度宣示女性自主。曲詞已經準備妥當,EOS便要開始為新歌進行錄音、練舞及拍攝MV,她們花了兩個多星期火速完成以上工作,好讓新歌趕及於年底面世。MV早前在中環取景,走暗黑風格,有懸疑及少許血腥畫面,Hazelle說:「今次MV除咗有跳唱部份,我哋三個亦擔當神秘角色,有秘密任務要做,大家睇完MV之後,就會意會到我哋想做咩,總之成件事屬於dangerous嘅!」拍攝MV當天,Lokyi身體不適,不過她仍抱恙上陣,全程未有休息,她說:「依家呢個市道,做一首歌真係好難,能夠拍一首快歌嘅MV更難,機會好難得,唔想阻礙到拍攝進度。希望大家聽完我哋嘅新歌,都俾啲comments我哋,等我哋做得更好。」EOS新歌《Sexy Dangerous》於今日(12月8日)在各大音樂平台上架,MV亦在同日晚上8時於EOS YouTube Channel上架。

Ad Block
EOS新歌《Sexy Dangerous》本周五於各音樂平台上架。 女團EOS推出首支廣東歌J.Arie藍奕邦擔任曲詞創作 EOS新歌《Sexy Dangerous》本周五於各音樂平台上架。
請接受以下私隱政策及免責聲明,以示你同意am730內之私隱政策及免責聲明。了解更多
接受