李芷晴坦言自己是按感受行先的人，對已認識了7年的周嘉全真的只有朋友感覺。(娛樂組攝)
《女神配對計劃》5位女神連同一眾「求愛者」齊齊現身，李芷晴(Step)與從事分析的林焌堯(Jacob)及保險經紀的劉偉強(Issac)同場，另一位陳昇(Jaden)因事未能出席。林盛斌等人對林焌堯(Jacob)特別有好感，大讚對方是「可愛仔」表示非常喜歡聽他說話，特別要求他在台上分享感受。Step更抽中Jacob一齊玩遊戲，大會要求他們十字緊扣兼對望，Step笑過不停，而Jacob伸手時表現怕羞，Step則主動拖Jacob的手，場面搞笑得來又有愛。
因拒絕周嘉全被負評感難過
李芷晴受訪時表示在三角枱的環節，她又要跟三位男士交流，又要玩遊戲，直言當下非常忙碌，她更預告其中一部份更與三位男士要有近距離接觸，當時更聽到對方的心跳聲！她說︰「一入去見到張三角型枱，即時諗起係咪要玩咩死亡遊戲！」但她表示節目會要求她們淘汰這些「勇者」。
談到網民因為李芷晴拒絕周嘉全，隨即指她是拜金女，是收兵娘娘，她直言節目播出之後，收到海量訊息，自己看到一些負評時真的有些不開心。她說︰「之後消化完，其實都開心大家咁投入個節目，會代入男參賽者心情，每個人都有唔同諗法，我係尊重嘅。開頭都有懷疑自己係咪做錯，但係之後見到有啲人都認同我立場，自己先拿穩返個心態。」
回憶收畫一刻
她稱那段時間收到很多朋友關心自己，知道她會很介懷一些負面評語，而自己亦看到有些只見過一、兩次面的人留言為其人格護航，「雖然大家唔會因為佢哋一席話相信我人格，但我係好感動，亦都唔可以讓自己沉係唔開心嗰情緒。」
對於自己不選擇周嘉全，李芷晴重提收畫的一刻，她說︰「我未入行之前係畫畫老師，當初佢搵我嘅時候，唔係話直接送幅畫俾我，而係叫我俾啲意見，所以點解我會知佢有送俾阿Ben(袁偉豪)，因為佢係一次過俾我睇，知道佢有畫開唔同人像，佢當時話『我幾滿意呢幅作品，不如我送俾你吖！』加上當時我有另一半，自己都無諗過其他嘢。到知個下都好愕然，都知大家戥佢唔抵，因為我哋認識咗7年，大家如果係有feel，都已經感受到。我當下係跟從返自己內心感受，所以就拒絕咗。」