T.Max默認跟羅毓儀發展無望。(娛樂組攝)
T.Max(海淦清)在《女神配對計劃》中是羅毓儀(Yuki)的追求者，獲派「好人卡」的他出席《第一屆新城慈善羽毛球賽》，他笑謂「失戀」後只好寄情工作。問到他收到好人卡的感受，他坦言無論結果如何，Yuki都是他一位好好的朋友，「有啲人會話佢叫你參加呢個節目，好似令你好難受，但係我個內心真係只有感激，因為唔係佢叫我參加呢個節目，都唔會有機會俾人認識到。」
問到T.Max有沒有留意葉蒨文與GM曾展望鏡頭下的相處，他形容是sweet到令他寧願望住個mon唱K算。
T.Max表示見到羅毓儀跟林俊其有互動，心入面不是味兒。(娛樂組攝)
他稱在未播出的集數，會有一些情節會發生，「無論結果點都好，我都好感激佢(Yuki)。佢唔係做錯，只係順從內心選擇，當初我對呢個女仔有好感，亦都係因為佢好順從自己想要嘅嘢。」他亦直認當見到Yuki跟林俊其(Kris)互動時，內心會有一種酸溜溜感覺，「自己都有啲爭扎，因為都會想祝福呢位朋友搵到一個好錫佢嘅人。」他表示今次節目令他結識到其他男士，更因此成為好朋友。
T.Max表示會學識接受結果。
由於節目組之後安排他們大兜亂，會否轉移目標去其他女神身上，T.Max表示：「有人同我傾過，會唔會學識放手，再去move on，咁先係一個成長，我都不排除有咁嘅可能，去到呢個地步，再拉落去對大家都唔好，我又辛苦，佢對住我又尷尬，可能離開係最大嘅祝福，亦都係對自己好啲。」對於未來可能有新的男士加入搶奪Yuki，他笑言自己比較擔心Kris多一些。
ADVERTISEMENT
送香港迪士尼樂園20周年限定精品及一日門票！
