Ad Block Ad Block
娛樂
2024-05-30 22:30:00

學神爸媽Get Set Go|袁偉豪搞喊3歲小妹妹 老婆張寶兒勒令收口

分享:
袁偉豪

兒童心理學博士Rosa(右),會就三位家長嘅湊B行為作出點評。

逢周四、五晚播的《學神爸媽Get Set Go!》,分別邀得「學神爸媽」袁偉豪(Ben)、張寶兒(Bowie),及「老手爸媽」森美和吳若希(Jinny),齊齊接受連串育兒挑戰。今晚一集的嘉賓是Ben、Bowie 及Jinny,「個案主角」是3歲小妹妹Yaris。

三位嘉賓的首個任務,要在30分鐘內氹掂Yaris一齊唱歌,並從互動中找出Yaris難湊原因。留鬚及長髮造型的Ben,一出場就嚇親妹妹,就算作狀扮喊亦搏不3歲的Yaris到同情。之後又對著3歲的Yaris狂講大道理:「你唔好誤會以為夾到就係俾你。」一心只想要公仔,唔想聽道理的Yaris,即時淚腺失陷喊到「扯蝦」,Ben即時被震撼:「你放鬆啲先,喊就冇公仔喇!」冇晒符的他對著爆喊的Yaris說:「你行過隔籬房問Bowie姐姐,可唔可以俾呢隻公仔你?」Bowie見狀即時大嗌:「搞錯,掟番個波畀我?幻想到未來係點!」

Ad Block
袁偉豪 袁偉豪

豬隊友唔俾人喊

登場救亡的Bowie,一出場就溫柔地攬著Yaris連番安慰,豈料就在快要成功一刻,心急豬隊友Ben又出現搞搞震,他先向Yaris說:「快啲問Bowie姐姐可唔可以送(個公仔)俾你喇。」再向Bowie說:「佢想要呀,送俾佢啦!」雖然Ben其實心底一心想實際地「送公仔」氹番Yaris,但由於打斷Bowie原本悉心部署,遭老婆即時勒令封咀:「你唔好嘈住先,你俾佢自己講啦,喊都唔俾人喊!」最終Bowie以一招成功冧掂Yaris不再喊兼平伏情緒,連有7年湊小朋友經驗的Jinny,亦甘拜下風謂:「Bowie將會係非常非常好嘅媽媽!」

Ad Block
袁偉豪 袁偉豪
袁偉豪 袁偉豪
請接受以下私隱政策及免責聲明,以示你同意am730內之私隱政策及免責聲明。了解更多
接受