岑珈其憑《IT狗》的演出，令其知名度提升了不少。
憑住ViuTV劇集《IT狗》扮演「趙家俊」的岑珈其，近日接受網上平台節目《月傾會》訪問。岑珈其 2008年入行，多年來演學生角色為主。已為人夫兼爸爸的他，坦言30歲時已定下目標，希望不再演學生。
岑珈其曾經做過跟車、司機、地盤、地產仔等，他慶幸自己為屋企孻仔，不用為家擔煩惱，老婆亦沒有給予壓力，他更視演員為終身職業:「如果條件容許，我想演戲演到老！我一定不是高大靚仔，我憑什麼呢？我小時候很沒自信，亦不相信自己會成功，但這是我最喜歡的夢想，我不想錯過，令自己後悔！」
問到岑珈其有否曾對合作過的女星動心，他強調自己太愛老婆，每次拍完戲都可以抽離角色，但之後再補充說：「如果要計，我諗係Jennifer（余香凝）囉！佢係一個好善良，好動又大癲大肺嘅人，點解我咁講，因為我老婆都係呢啲性格！」
岑珈其自爆曾在片場聽過最刻薄的說話:「我諗係拍電影，我唔記得邊一套，然後嗰個我唔記得係副導演定PA，總之就係鬧，『X，你以為自己邊個呀？真係以為自己做演員就係明星呀！收皮啦，又矮又樣衰』」。